Вицепремиерот Љупчо Николовски објави дека политиките на Владата во изминатите 4 години променија многу работи.
„Имаме системски пристап и грижа за луѓето кои живеат со ретка болест. Го зголемивме бројот на достапни лекови и терапии. Го зголемивме опфатот на пациенти кои примаат терапија преку Фондот. Значително го зголемивме буџетот за ретки болести, повеќе од двојно. За првпат е воспоставен електронски регистар на ретки болести. Преку Националната стратегија за ретки болести 2020-2030 дополнително ќе овозможиме унапредување на законодавството според европските регулативи за лекови за ретки болести“, објави Николовски.
Тој дополни дека првенствено како човек, но и како вицепремиер, ќе продолжи да ја дава поддршката на нашите сограѓани кои се справуваат со ретки болести, како и на здруженијата кои им помагаат.