Nissan Maxima запира со производство во средината на 2023 година

од Vladimir Zorba

Nissan во кусо соопштение потврди дека актуелната генерација на Maxima ќе заврши со производство во 2023 година.

Меѓу другото, јапонскиот производител во соопштението напиша: „Денеска им соопштивме на нашите работници, добавувачи и дилери дека актуелната генерација на Maxima ќе престане да се произведува во средината на 2023 година. Како дел од планот на Nissan Ambition 2030, компанијата дава приоритет на електрични возила и напредни технологии, а до 2030 година, 40% од продажбата на возила на Nissan ќе бидат целосно електрични, а повеќето ќе бидат електрифицирани“.

Покрај тоа, на почетокот на оваа година Nissan објави два целосно нови, целосно електрични модели во својата фабрика во Кантон, Мисисипи.

Сепак, се чини дека Maxima може да се врати подоцна. Јапонците велат: „Останете во тек за идните новости за Nissan Maxima додека ги зајакнуваме патувањата низ возбудливи возила и технолошки иновации“.

Ова навестува дека Nissan може еден ден да понуди електрична Maxima.

Продажбата на Maxima инаку опаѓа секоја година од 2017 година, кога јапонската компанија продаде 67.627 единици во САД. Продажбата падна на 42.337 примероци веќе следната година, додека во 2021 година во САД беа продадени само 16.386 примероци од овој седан.

Слични содржини