41
Ерик тен Хаг седна на клупата на Манчестер Јунајтед од 1 јули 2022 година до 28 октомври оваа година. На „црвените ѓаволи“ им донесе два трофеи, но очигледно премалку за очекувањата на „Олд Трафорд“.
Така, пред неколку дена Холанѓанецот доби отказ, а сега неговата ситуација ја коментираше и Ханс Крај Јуниор, кој одлично го познава Тен Хаг. Не само како новинар на ЕСПН, туку и како фудбалер. Тен Хаг и Крај беа соиграчи во Де Графшап и оттогаш одржуваат добар контакт.
„Разбирам дека добил 17 милиони евра и дека сега луѓето велат: „Ќе прави салто низ Манчестер“. Но, тој нема, тој е целосно, крајно уништен, тој е целосен неуспех. Сега парите воопшто не му се на ум, сега е во проблеми“, изјави Крај Јуниор.