Еден од најпопуларните светски таблоиди – американскиот “Њујорк Пост”, објави напис под наслов “Требаше да ja слушаме оnаа слепа бугарска старица за ИД”. Ќе претпоставите, станува збор за пророчицата од Петрич родена во Струмица, популарна како Баба Ванѓа. На сајтот на весникот публикацијата за Ванѓа е најчитана меѓу сите други приказни.

“Слепиот мистик, за кого се тврди дека го предвидела 11 септември, цунамито од 26 декември 2004 година, хаваријата во нуклеарната централа во Фукушима и раѓањето на ИД, исто така дава злокобни предвидувања за 2016 година и понатаму.

Родена во Струмица пророчица Баба Ванѓа, која почина на 85 години во 1996, била позната како “Нострадамус на Балканот” поради близу 85 отсто успех на предвидувањата и е почитувана во Русија и Европа како натприродна светица “, започнува написот во” Њујорк Пост ”

Меѓутоа американскиот таблоид не е единствен. Британскиот “Мирор” ја објави истата приказна. Дословно. И таа започнува на веќе описен начин, и во неа следат познатите за балканскиот читател зборовите на Ванѓа за “големиот бран”, со кои требало да го претскаже земјотресот, проследен со цунами во 2004 година, кога беа опкружени бреговите на Југоисточна Азија. Споменувањето за “голема војна со муслиманите” се интерпретира како предвидување за терористичките акти и појавата на т.н.. Исламска држава.

Изданието пишува уште дека според Ванѓа, Европа ќе “престане да ја има” до крајот на следната година. На листата се сите актуелни политички настани, кои можат да одговараат на такво предвидување.

Како Ванѓа воопшто дојде во Њујорк и Лондон?
Поврзаните публикации се секојдневие во жолтите медиуми во Македонија, Србија, Бугарија, Русија и др. балкански држави. Најтиражните светски таблоиди сепак исто така ги објавија приказните за Ванѓа, кои по правило се продаваат добро.

Публикациите во “Њујорк Пост” и “Мирор” претходно се публикувани од австралискиот вести сајт news.com.au А тој премногу детално – пишува за детството на Ванѓа, за тоа како е ослепела, кога ги добила првите визии, за последователните односи со врхушка на БКП итн

Има и долг список со обистинити предвидувања – глобалното затоплување, цунамито, 11 септември, потонувањето на подморницата “Курск”, изборот на Барак Обама за претседател на САД. Изданијата дури ги “предупредуваат” читателите за:

2016: Муслиманите ќе завладеат Европа

2023: Орбитата на Земјата ќе се промени (што и да значи тоа)

2025: Населението на Европа ќе достигне 0 (нула)

2033: Нивото на водата ќе се зголеми, поради топење на глечерите

2043, 2066 …

2076: Комунизмот ќе се врати во Европа

2084, 2100, 2130, 2170, 2187, 2201, 2262 и итн, итн, годините продолжи да оди.

Последното објавено “предвидување” е за 3797 година:

Во тоа време сите на Земјата ќе умрат.

А сепак, од каде е сето тоа?
Австралискиот сајт не го крие изворот – тоа е турскиот блог “Истанбул Истанбул “, поддржан од млад човек кој се претставува за Болат.

Тој има објавено детален текст за Баба Ванѓа уште на 15 мај оваа година. Малку повеќе од половина година подоцна некој со познавање на турски јазик во Австралија налетал на објавата, решил да ја сподели историјата со своите читатели на англиски јазик, додал нешто од Гугл, потоа “сензацијата” го преминала Пацификот и стигнала до Америка.

А ако додадеш малку од “Исламска држава” за боја, историјата станува прва вест.

И ако сеуште не е јасно како така во Турција, Австралија, САД или Англија некој може да е толку информиран за Ванѓа, одговорот на ова прашање, исто така е даден: бројните фотографии и видеа кои ги нудат руски сајтови.