Нов бран на Ковид-19 ја зафаќа Европа. Причините се голем број мутации на сојот „Омикрон“, предупреди Европската агенција за лекови.
Зголемувањето на бројот на луѓе кои се позитивни на тестот се должи на мутациите BA.4 и BA.5 на варијантата на Ковид-19.
Во април, ЕМА ги советуваше луѓето на возраст над 80 години да добијат втор бустер. Агенцијата сега препорачува луѓето на возраст меѓу 60 и 79 години и оние со нарушен имунолошки систем да земаат бустер доза.
Речиси цела Европа ги укина ограничувањата поврзани со коронавирусот. Во многу земји ова лето е првото во кое луѓето ќе можат мирно да одат на одмор.
На 30 јуни, Светската здравствена организација објави дека бројот на нови случаи ширум светот се зголемил за 18% во претходната недела, со повеќе од 4,1 милиони пријавени случаи.
Најновите статистички податоци покажуваат дека еден од 30 луѓе во Велика Британија се заразило со оваа болест во неделата до 24 јуни, што е зголемување од 32 отсто во однос на претходната недела.
Во својот последен неделен извештај, здравствената агенција на ООН забележа дека смртните случаи поврзани со Ковид нагло се зголемиле во три светски региони: Блискиот Исток, Југоисточна Азија и Америка.