Нов контингент вакцини на „АстраЗенека“ пристигна во Србија

Нова испорака на 120.000 дози вакцини на „АстраЗенека“ пристигна утрово во Србија, во рамките на механизмот Ковакс.

Авионот со вакцините слетал на белградскиот аеродром „Никола Тесла“ околу 8 часот.

Новиот контингент на вакцини на аеродромот беше пречекан од министерот за здравство Златибор Лончар, директорот на канцеларијата на СЗО во Србија Маријан Ивануша и директорката на УНИЦЕФ во Србија Дијана Костадинова.