НБА не престанува да изненадува, па во последен момент беа направени големи промени. Веста на денот, без никакво сомневање, е фактот дека Џими Батлер, по серија суспензии, го напушти Мајами Хит.
Тој стана нов играч на Голден Стејт Вориорс во трејдот со три тима, па сега ќе се обиде да ја нападне титулата со Стеф Кари. „Вориорс“ го контактираа буквално секој играч, а на крајот им успеа само со проблематичниот Батлер.
Новинарот и познат НБА инсајдер, Шемс Чаранија објави и дека бек-шутерот Денис Шрудер ќе се упати во Јута Џез, Кајл Андерсон оди во Торонто, а Ендрју Вигинс ќе замине за Флорида во големиот трејд меѓу четирите екипи.
Батлер ја саботираше својата работа со тимот од Флорида и беше суспендиран три пати, а на крајот успеа да стигне до Западната конференција. Тој го напушта Мајами по шест години престој.
Dennis Schroder is headed to Utah and Kyle Anderson to Toronto as part of this multi-team trade, sources said. https://t.co/JPBWVEonPh
— Shams Charania (@ShamsCharania) February 6, 2025