Нов случај на силување во Премиер лигата – уапсен 29-годишен фудбалер

од Stefanija Kuzmanovska

Фудбалер чиј клуб се натпреварува во англиската Премиер лига е уапсен под сомнение за силување во северен Лондон, пишува британски „Телеграф“.

Весникот објави дека не се работи за англиски фудбалер, туку дека пристигнал од странство.

Тој е уапсен во понеделникот наутро и задржан во притвор, а според познатите информации има 29 години.

„Наводното силување на девојка на возраст од дваесет години е пријавено во полиција на 4 јули. Наводното силување се случило во јуни 2022 година“, се вели во полициското соопштение.

Исто така, полицијата додава дека истиот ден го уапсила 29-годишниот маж.

„Тој беше уапсен на адреса во Барнет под сомнение дека извршил силување, приведен е и е во притвор. Истрагата за околностите е во тек“, се вели во соопштението.

Ова е само уште еден во серијата случаи на силување во кои се вмешани фудбалери од Премиер лигата.

Неодамна беше отфрлен случајот за силување против Кристијано Роналдо, а во тек е судењето на фудбалерот на Сити, Бенџамин Менди, обвинет за повеќекратни силувања.

Мејсон Гринвуд беше уапсен во јануари, Гилфи Сигурдсон исто така беше уапсена минатата година, а пред неколку години поранешниот репрезентативец Адам Џонсон беше осуден на затворска казна поради сексуални односи со 15-годишно девојче.

Слични содржини