252
Возачот на Ред Бул, Макс Верстапен денес победи на трката за Големата награда на Австрија во Формула 1.
Холанѓанецот ја искористи пол-позицијата, славејќи вторпат по ред на истата патека, вкупно петта оваа сезона, пред Финецот Валтери Ботас од Мекларен и Британецот Ландо Норис од Мекларен.
Актуелниот светски шампион Луис Хамилтон го зазеде само четвртото место.
Во Топ 10 се пласираа и Серхио Перез, Карлос Сајнц, Даниел Рикардо, Шарл Леклер, Пјер Гасли и Фернандо Алонсо.
Верстапен води во генералниот пласман со 182 бода, Хамилтон има 150, а Перез е трет со 104.
Следната трка ќе се вози за две недели на „Силверстоун“ за Големата награда на Велика Британија.