Истакнат руски политичар паднал од прозорец во Тоболск, што е последно во серијата сомнителни смртни случаи на познати личности во земјата.
Владимир Егоров, политичар од партијата Единствена Русија на рускиот претседател Владимир Путин, беше пронајден мртов пред неговиот дом во Тоболск во средата, откако паднал од прозорец на третиот кат, објави Business Insider.
Според „Комерсант“, Егоров имал 46 години. ТАСС јавува дека политичарот бил пронајден мртов во Тоболск, градот во кој живеел. „База“, неофицијален канал на Телеграм поврзан со службите за национална безбедност, наведува дека Егоров бил пронајден мртов во дворот пред неговиот дом.
BREAKING:
The Putin-ally and member of the United Russia party, Vladimir Egorov, has died at the age of 46 after an accident involving him falling out the window of his third-floor apartment in the city of Tobolsk
The Russian authorities are investigating what caused his death pic.twitter.com/Zx5t8SKvfH
— Visegrád 24 (@visegrad24) December 28, 2023
Во тек е обдукција за да се потврдат деталите за неговата смрт, што инспекторите тогаш не можеле да го направат, пренесува „Комерсант“ и додава дека не пронашле „надворешни знаци на сомнителна смрт“.
Сепак, случајот на Егоров е последниот во серијата мистериозни смртни случаи на познати личности во Русија, вклучувајќи јавни личности и истакнати бизнисмени кои паднале од прозорците или умреле под други нејасни или бизарни околности.
Некои од нив беа гласни критичари на Путин.