Microsoft сака да им даде на корисниците повеќе слобода во однос на софтверот што го користат во Windows 10. Компанијата ја подготвува премиерата на нова функција која ќе ни овозможи да ги избришеме претходно инсталираните апликации. Ова ќе биде можно со следната голема надградба на платформата. Новиот софтвер веќе се тестира од страна на инженерите на Microsoft под кодно име 19H1 и треба да биде достапен во април 2019 година.
Способноста да се избришат претходно инсталираните апликации е најголемото подобрување во ажурирањето. Ако не користите нешта како што се 3D Viewer, Groove Music или Paint 3D, ќе имате можност со неколку кликања на глувчето да ги отстраните од вашиот компјутер. Податоците беа објавени од страна на членовите на програмата Windows Insider, кои веќе имаат пристап до функцијата во Windows 10 Build 18262, пренесе „HowToGeek“.
Листата на апликации што можеме да ги избришеме сега вклучува:
3D Viewer
Calculator
Calendar
Groove Music
Mail Movies & TV
Paint 3D
Snip & Sketch
Sticky Notes
Voice Recorder
Ве потсетуваме дека дури и сега можеме да избришеме некои апликации, како што се Мy Оffice, Tips и Weather, а трендот е да се зголемува нивниот број. Сепак, некои од програмите во Windows 10 се исклучително важни за компанијата, и барем во оваа фаза тие не можат да се отстранат. Тука спаѓаат Camera, Microsoft Edge и Store. За нас, корисниците, важно е да знаеме дека ќе имаме повеќе контрола врз софтверот на кој работиме во следната верзија на Windows 10.