Еден од осомничените во случајот „Тортура“, Ивица Антевски, познат под прекарот Пуки, кој раководеше со Алфите за време на апсењето на Љубе Бошкоски, во петокот на барање на заменик- министерот за внатрешни работи Митко Чавков, повикувајќи се на Договорот од Пржино, е назначен за дополнителен началник на единицата Алфи, а решението го потпишал министерот за внатрешни Оливер Спасовски, објави НОВА.
Инаку, Специјалното јавно обвинителство денеска најави дека е побарана предлог- мерка претпазливост за сите сите кои работат во МВР, а се осомничени во овој предмет.
“Јавното обвинителство за гонење на кривични дела поврзани и кои произлегуваат од содржината на незаконското следење на комуникациите дене отвори донесе наредба за спроведување на истражна постапка против седум лица поради основано сомнение дека сториле кривично дело Мачење и друго сурово, нечовечко или понижувачко постапување и казнување од чл. 142 став 1 од Кривичниот Законик.
Против сите лица, кои се во работен однос во Министерството за внатрешни работи до Основниот суд Скопје 1 Скопје ќе биде поднесен предлог за определување на мерка на претпазливост – забрана за преземање на определени работни активности кои се поврзани со кривичното дело. Ваквата мерка е предвидена со членот 146 став 1 точка 7 од Законот за кривичната постапка и сметаме дека во овој момент истата е неопходна како реакција на државата за дејствијата за кои постои основано сомнение дека ги извршиле осомничените.”-изјави на денешната пресконференција обвинителката Фатиме Фетаи
Во тоа време со Алфите раководеше Ивица Антевски, познат под прекарот Пуки, кој во февруари годинава беше сменет од оваа функција и на негово место е назначен Примислав Димовски, претходно припадник на единицата Тигри, а на јавноста и е познат и како неколкукратен првак на Македонија во бокс, а го освои и петтото место на Светското првенство во бокс во супертешка категорија.