На пристигнатите пред неколку месеци во Црното Море нови ракетни носачи “Серпухов” и “Зелениј Дол”, опремени со универзални ракетни комплекси “Калибар-НК, веќе е издигнато Андреевското знаме. Церемонијата се одржала во постојаното седиште во Севастопол. Двајца морнари ги изнеле од црковниот храм знамињата, обилно попрскувани со осветена вода, и се упатиле кон кејот, каде чекале за церемонијата изградените морнари и кадети од Претседателското училиште. По наредба на командантот на флотата Александар Витко знамињата се издигнати на јарболите.
Новинарите се допуштени до “Серпухов” и првото нешто што им оставило впечаток се човековите услови за работа и одмор. Пример кормиларот, кој стои зад кормилото четири часа апсолутно во права позиција, е предвидена удобна потпора за грбот и подлактни потпори за задржување на бура. Во секоја соба има видео надзор.
Бродови со можностите како малите ракетни бродови (МРК) “Серпухов” и “Зелениј Дол” не влегле во ова пристаниште повеќе од една деценија, бидејќи не се со тактичка намена, но решаваат и оперативни задачи. Тоа се четвртиот и петтиот брод од проектот за МРК. Првите три – “Углич”, “Град Свијажск” и “големиот Устјуг” во ноември од Каспиското Море лансираа 26 крстосувачки ракети по цели во Сирија.
Бродовите биле изградени во градот Зеленодолск во средината на текот на Волга. Префрлени се во Црното Море по 100-километарскиот Канал Волга-Дон. Плитките води за нив не се проблем, а се придвижувани од четири дизел мотори со моќност над 7000 kW. Бродот има уникатно маневрирање, може да врти во спротивна насока речиси на место.
Највпечатливо кај нив е дека при должина само 74 метри и тежина од 950 тони имаат инсталирани 8 лансирни шахти за ракети “калибар”.
Главните топови напред со калибар 100 мм обезбедува стапка на пукањето до 100 истрели во минута. Анти-авионските артилериски лансери “Дует” се состојат од две 6-цевни топови 30 мм кои градат огнена завеса.