Уште 34 учесници на Зимските олимписки игри во Пекинг биле позитивни на коронавирус, соопштија организаторите во неделата.
Организацискиот одбор објави дека 23 лица имале позитивен резултат од тестот при пристигнувањето во Кина во саботата, а од тој број, 13 биле спортисти или членови на тимот. Останатите 11 позитивни членови на делегациите на националните олимписки комитети се запишани во затворениот олимписки систем.
Ден претходно беше официјално објавено дека се позитивни 36 лица, со што бројот на заразени со коронавирус од 23 јануари се искачи на 139.
Зимските олимписки игри ќе се одржат под строги мерки, каде што секоја вклучена група ќе биде одделно одвоена една од друга и од општата кинеска популација.
Секој член на олимписките делегации сместени во олимпискиот балон е должен да полага по еден ПЦР тест секој ден со цел што поскоро да се открие можна инфекција со коронавирус.
Оние со позитивен резултат мора да бидат изолирани во посебен хотел, а од него можат да излезат само кога ќе имаат два негативни резултати во рок од 24 часа.
Кина продолжува да спроведува многу строги мерки за борба против Ковид-19, а во последниве недели некои милионски градови беа ставени во карантин поради неколку позитивни луѓе.