Новите бројки покажуваат дека повеќе од 30.000 луѓе починале од КОВИД-19 во Велика Британија, околу една третина повеќе од официјалната бројка.
Канцеларијата за национална статистика соопшти дека во Англија и Велс, од „Ковид-19“ починале 29.710 луѓе до 24 април, што е за 34% повеќе од бројките на владата за истиот период. Имало над 30.000 смртни случаи во Шкотска и Северна Ирска.
Официјалниот број на загинати во Велика Британија, во кој се вклучени случаи во кои лица се тестирале позитивно за вирусот, е 28.734, веднаш зад Италија со 29.079. Велика Британија е трета земја во светот во однос на смртните случаи.
Податоците од Бирото за статистика, објавени со задоцнување од 10 дена, вклучуваат смртни случаи за кои постои сомнение дека е „Ковид-19“, дури и ако лицето не е потврдено дека е позитивно.
Научниците велат дека ќе биде тешко да се утврди вкупниот број на смртни случаи од оваа болест сè додека не се добие целосна статистика на смртност за време на пандемијата.
Бирото за статистика на Велика Британија наведува дека бројот на смртни случаи регистрирани во неделата до 24 април е малку помал отколку во претходната недела, но сепак е двојно поголем од петгодишниот просек.