Поради недостиг на стручен кадар во градинките во германската сојузна покраина Северна Рајна-Вестфалија (СРВ), започнува необична мерка: од денеска и луѓе без педагошко образование ќе може да работат во градинките – благодарение на новиот модел „QiK“ (Quereinstieg in die Kinderbetreuung, т.е. трансфер во секторот за грижа за децата).
Кандидатите веднаш ќе почнат да работат во градинките а паралелно ќе мора да посетуваат специјална настава. Во текот на две години, тие треба да завршат 480 наставни часа теоретска настава и 720 часа практична квалификација.
Всушност, наставата започнува со воведен блок од 120 часа, кој мора да се заврши пред да започнете со работа во градинка.
Потоа кандидатите можат да започнат скратена едногодишна обука за позицијата помошник-воспитувач, што им го отвора патот до целосна квалификација како воспитувач – во зависност од перформансите и практичното искуство.
Новиот модел почнува да се спроведува во градот Менхенгладбах. Потоа ќе се приклучат и окрузите Рајниш-Бергишер и Штајнфурт.
Критики од експертите за намалените стандарди
Сепак, новиот пристап не наидува само на одобрување. Експертите како Анете Штајн од Фондацијата Бертелсман предупредуваат: „Ниту на едно ниво не треба да отстапува од педагошката квалификација. Во спротивно квалитетот на образованието ќе страда“.
Иако министерството нагласува дека учесниците во програмата QiK „нема да ги заменат воспитувачите, туку ќе ги надополнат“, нивното присуство сепак се смета во законски пропишаниот минимален број на вработени.
QiK треба да стане дел од пошироката стратегија во НРВ за привлекување квалификуван персонал. Односно, да се привлечат повеќе млади и луѓе со животно искуство да работат во социјалниот сектор.