Новинарот Џон Јанг учествуваше како волонтер во третата фаза од клиничкото испитување на вакцината за коронавирус. Како што објасни, тој сакал да ја прими првата вакцина од „себични мотиви“.
– Започна од себични мотиви – сакав да ја примам вакцината што е можно побрзо. Кога дознав дека станува збор за тестирање на „Модерна“ вакцината, која користи нова технологија, почувствував голема возбуда, како таа информација да допре до мојот нерв, заинтересиран за наука – рече Јанг, специјален дописник на емисијата NewsHour на PBS, за американскиот „NPR“.
Во моментов, најмногу се пишува за две високо ефективни вакцини. Првата е создадена од фармацевтската компанија „Фајзер“, со партнерската фармацевтска компанија „БајонТек“, за која е пријавена ефикасност од 95%.
Втората вакцина е резултат на работата на биотехнолошката компанија „Модерна“, а нејзината ефикасност, според анализите на клиничкото тестирање, се проценува на 94,5 проценти. Јанг учествуваше во тестирањето на вакцината на универзитетот Џорџ Вашингтон во главниотград. Новинарот сподели за своето искуство за „STAT“.
Јанг напиша дека тој бил привлечен да учествува во клиничко тестирање од фактот дека тој припаѓа на група со висок ризик кога станува збор за инфекција со коронавирусот: тој има над 60 години, има астма и висок крвен притисок.
– Мислам дека моето потекло (азиско) беше голем плус, бидејќи на овој тест тие сакаа да имаат луѓе од сите бои, а исто така сакаа да откријат дали вакцината е безбедна за луѓето со астма и висок крвен притисок – рече Јанг за „NPR“.
Јанг ја прими вакцината во две дози, еден месец помеѓу првата и втората. Првата доза, рече тој, „навистина не била толку лоша“.
Не чувствувал несакани ефекти дури следниот ден, кога почнал да чувствува благи болки во зглобовите и мускулите. Доминантното чувство, вели Јанг, било чувството на замор.
– Втората доза на вакцината ме сруши многу ниско и многу брзо – новинарот рече дека чувствувал болка во зглобовите и мускулите, на кои им се придружила малку покачена температура, што се случило многу побрзо отколку по првата доза. Другите учесници во тестот, исто така, пријавиле болка на местото на инјектирање.
– Сепак, како што сè дојде брзо, така и брзо се одвиваше. Јас ја примив вакцината во вторникот, но во четвртокот бев добро – вели Јанг. Кога бил тестиран, додава тој, имал 50 проценти шанса да прими вакцина. Други педесет проценти добиваат плацебо.
„Затоа“, забележува новинарот, „всушност бев среќен кога почнав да чувствувам несакани ефекти“.
Додека тој сè уште не беше сигурен што добил, вакцина или плацебо, Јанг за „STAT“ напиша дека се надева дека вакцина му е инјектирана во рамото.
Тој се потпре на ветувањето на „Модерна“ дека вакцината ќе им биде достапна на оние учесници во тестот кои добиле плацебо. Во разговор за „NPR“, Јанг заклучи дека е среќен затоа што помогнал во напредокот на науката и дека се надева дека вакцината ќе му помогне на човештвото да ја надмине сегашната епидемија.