121
Новинарот Зоран Божиновски денеска ќе биде изнесен пред судија во претходна постапка. Како што пренесуваат дел од медиумите, Божиновски под засилено полициско обезбедување е донесен во основен суд Скопје 1.
Божиновски беше уапсен на 21 април во Нови Сад и експресно екстрадиран во во Македонија. Ова е првпат од екстрадицијата тој да биде изнесен пред суд. Тој се наоѓа во Истражниот затвор во Шутка, а понатамошната постапка против него ќе ја спроведува Министерството за правда.
Божиновски е осомничен во случајот „Шпион“. Тој тврдеше дека ова е монтиран случај поради неговите критички текстови кон власта.