Ново Лисиче доби нов спортски центар, кој ќе го носи името на ракометарот Божиновски

Денеска жителите на Ново Лисиче добија нов спортскиот центар кој ќе го носи името Спортски центар – Марко Божиновски.

-Од денес и официјално Спортскиот центар во Ново Лисиче имаме чест и задоволство да носи име Спортски центар – Марко Божиновски. Марко Божиновски е едно младо момче пример за млад човек, спортист, добар другар и пријател, кој што пред шест месеци трагично почина, истакна денеска градоначалникот на Општина Аеродром, Тимчо Муцунски.

Муцунски додаде дека и следната година ќе продолжат да инвестираат во спортската инфраструктура и во младите спортски таленти.

Посочи дека заедничка одлука била на сите советници во Советот на Општина Аеродром, и од ВМРО-ДПМНЕ, и од СДСМ, и од Левица, е овој Спортски центар да го носи токму неговото име.