Војвотката од Сасекс се врати на Инстаграм. Таа креира свој профил на Нова година објавувајќи видео снимено на плажа во близина на нејзиниот дом во Калифорнија.
На снимката што ја направил нејзиниот сопруг, принцот Хари, 43-годишната Маркл боса трчала по песокот кон брановите.
Серена Вилијамс, Криси Тајген, Тан Франс и други познати личности ја покажаа својата поддршка со лајкнување на објавата.
Дека Меган Маркл планира да отвори свој профил на Инстаграм беше откриено во август 2023 година од страна на американската „Page Six“ откако дознале дека ќе го користи називот „@meghan“.
View this post on Instagram
За кратко време од создавањето, нејзиниот профил доби повеќе од сто илјади следбеници.
Меган не беше активна на социјалните мрежи од ноември 2017 година, кога се вери со принцот Хари. Двојката се венчаше во мај следната година, по што го напуштија кралското семејство во 2020 година и најдоа постојан дом во Соединетите Американски Држави.