„Њујорк тајмс“ објави видео снимки на кои се гледа група украински затвореници во Буча кои се цел на руските војници и се принудени да се движат, неколку моменти пред да бидат погубени.
Снимката е направена на 4 март, на која се гледа група од девет Украинци подгрбавени, некои се држат за панталоните и појасите на лицето пред нив, а некои со рацете над главата. Тие поминуваат во колона низ улица.
На почетокот и на крајот на колоната се гледаат двајца вооружени руски војници кои ги пренасочуваат.
The execution of the captured fighters and the homeowner in Bucha “is the kind of incident that could become a strong case for war crimes prosecution,” experts told NYT. https://t.co/04ayE9jS4Y
— Anna Chornous (@4nnchor) May 20, 2022
Осум сведоци изјавија за „Тајмс“ дека уапсените потоа биле однесени зад блиската деловна зграда, по што се слушнале истрели. Групата Украинци после тоа не се појавила повторно.
Снимките од дрон обезбедени од „Њујорк тајмс“, исто така, ги потврдуваат изјавите на сведоците; покажувајќи ги телата на истата група до деловна зграда додека руски војници стојат над нив.