Њукасл е уште еден клуб кој го сака играчот од средниот ред на Реал Мадрид, Марко Асенсио. Договорот на 26-годишниот фудбалер истекува за една година и шефовите на „Бернабеу“ сакаат да го продадат. Затоа интересот за него е доста сериозен, а сега Њукасл е подготвен да влезе во битка за неговиот потпис, тврди „Спорт“.
За Асенсио засега се знае дека се заинтересирани Милан, Ливерпул и Арсенал. Сепак, се чини дека и Њукасл го посакува овој играч. Еди Хау ја продолжува работата на обновување на тимот и градење на борбен тим со кој ќе ги нападне првите места во Премиер лигата. А играч со искуство и квалитети на Асенсио би бил доста корисен.
Репрезентативецот на Шпанија, исто така, сака да го напушти Реал и моментално ги разгледува своите опции. Тој има можност да ја избере понудата на еден од поголемите клубови, но понудата на Њукасл не е за потценување.
„Страчките“ секако можат да му понудат доволно атрактивен договор, а дополнително ќе има речиси загарантирано стартно место на „Сент Џејмс Парк“.
Главната желба на фудбалерот е да игра редовно – нешто што не се случуваше во последните години во Реал.