Важно е да пиете неколку чаши вода во текот на денот за целокупното здравје. Меѓутоа, ако активно се обидувате да изгубите тежина, зголемувањето на внесот на вода може да има значително влијание врз губењето на тежината. Барем така тврди нутриционистот и диететичар Сушма Џаисвал.
Таа вели дека при пиење вода во текот на денот треба да се земат предвид факторите како возраста, полот и тежината, но дека препораката е да се пијат четири до осум чаши вода дневно за здравје.
Кога станува збор за слабеење, ситуацијата е нешто поинаква. Нутриционистот истакна дека студиите покажале дека мажите кои се обидуваат да ослабат треба да пијат од 10 до 13 чаши дневно, а жените да се стремат кон осум до девет чаши дневно, пренесе Express.
„Ако пиете една до две чаши вода пред оброк, тоа има извонреден ефект врз слабеењето бидејќи тогаш обично јадете помалку храна“, вели нутриционистот.
Ако пиете вода пред оброк, ќе внесете помалку калории поради помалку глад, што на крајот помага во управувањето со тежината и губењето на тежината со текот на времето. Исто така, со намалување на апетитот на овој начин, можете да спречите прејадување, што пак може да придонесе за губење на тежината.
За оние кои не сакаат да пијат „обична“ вода, нутриционистот препорачува да додадете малку сок од лимон или бобинки за дополнителен вкус, но да не купуваат готови ароматизирани води кои содржат шеќер.