Обединетите Арапски Емирати ќе формираат фонд од 10 милијарди долари за инвестирање во Турција, објавија локалните медиуми. Ова стана јасно за време на вчерашната посета на престолонаследникот на ОАЕ, шеикот Мохамед бин Зајед Ал Нахјан на земјата.
Фондот ќе се фокусира на „стратешки инвестиции“, особено во информатичката технологија, енергијата, здравството и прехранбената индустрија.
Шеикот Мохамед бин Зајед Ал Нахјан, кој де факто владее со ОАЕ, во Анкара беше пречекан со почести од турскиот претседател Реџеп Таип Ердоган.
„Посетата се очекува да отвори нова страница во односите меѓу поранешните ривали во регионот“, објави АФП.
Ова е прва посета на Турција на одговорен претставник на Обединетите Арапски Емирати од овој ранг од 2012 година. Тоа се случи само еден ден по новиот нов рекорден пад на турската лира.
Средбата меѓу двајцата лидери треба да даде можност за обновување на односите меѓу двете земји, кои се важни фактори во регионот. Тие имаат и несогласувања, особено околу конфликтот во Либија и истражувањето на гас во источниот Медитеран.