Претседателот на САД Барак Обама не знаел дека Стејт департментот побарал од Бугарија и Грција да го затворат небото за руските воени транспортни авиони на пат за Сирија.
Американскиот Стејт департмент вршел притисок на двете држави по сопствена дискреција. Кога Обама дознал, бил разочаран од тоа што надворешнополитичкото министерство почна да дејствува без доволно истражување и координација на одлуката внатре во земјата.
Претставник на Стејт департментот, сепак објаснил дека слични активности се во склад со активностите на целата администрација, која има позиција да се противи на сите активности кои го поддржуваат сирискиот претседател Башар Асад.
Тоа го кажува колумнистот на агенција “Блумберг” Џош Рогин, повикувајќи се на двајца извори.
Белата куќа уште нема дефинитивна стратегија за прашањето за руската воена помош за Башар Асад, тоа е главната теза на Џош Рогин. Администрацијата на Обама и американското разузнавање дојде до заклучок дека Русија се подготвува во најскоро време да започне летови и да нанесува удари по цели во Сирија од новата база, која ја гради на територијата на земјата во Латакија.
Во неа во наредните денови или недели би требало да бидат распоредени борбени авиони Миг-31 и Су-25. Веќе била пристигнала дел од опремата, вклучувајќи мобилни кули за авиодиспечерите, снабдување за одржување на авионите и монтажни станови за стотици војници. Во американската влада сепак имало несогласувања како да се реагира на тоа.
Во четвртокот била свикана седница на Советот за национална безбедност за дискусија каква да биде реакцијата на САД, тврди авторот. Според него опциите се две – да се обидат да се спротивстават на Русија на територијата на Сирија или да инсистираат како некои во Белата куќа, да соработуваат со Русите на терен во борбата против “Исламска држава”.
За еден дел од администрацијата најважно било да се соберат што повеќе држави во борбата против џихадистите. За тоа тие се плашеле од понатамошно влошување на односите со Москва. Тие сериозно размислувале да ја прифатат руската база како свршен чин, по што ќе се координираат со Москва за удри во Северна Сирија.
Другата група во администрацијата пак сметала дека воена соработка со Русите е еднакво на признание дека позицијата на САД против останувањето на Башар Асад на власт не успеа. Во саботата државниот секретар Џон Кери разговараше за втор пат за еден месец со рускиот колега Сергеј Лавров по повод руските акции во Сирија. Тој инсистирал да се престане со натрупување на опрема, но одговорот бил дека Москва не прави ништо лошо и поддршката за Дамаск ќе продолжи.
Во меѓувреме руски дипломати во Софија побараа објаснување од МНР за одбивање воздушен коридор на руски авиони за Сирија.
МНР на Бугарија ги отфрла во своите категоричен начин обвиненијата на портпаролот на руската дипломатија за позицијата на Бугарија, се вели во соопштението на Министерството за надворешни. Наведено е дека “Бугарија не е и нема намера да дозволува преминот низ нејзина територија на хуманитарна помош за Сирија.”
Потсетувајќи се дека, сепак, во исто време Бугарија има меѓународно-правни обврски да не допушта траспортиране на вооружување за режимот на Башар Асад кои произлегуваат од одлуките на ЕУ.
Пред Бугарија и Грција го забрани летот на руски транспортни авиони во нејзиниот воздушен простор.