1,7K
Новото засилување на Барселона Пјер-Емерик Обамејанг ја коментираше победата на Каталонците во натпреварот од 23. коло на Ла Лига со Атлетико Мадрид (4:2). Габонецот го напушти Арсенал и со слободен трансфер им се приклучи на Шпанците. Обамејанг влезе во игра во вториот дел, на местото на друг дебитант, Адама Траоре.
„Да се носи дресот на таков клуб за прв пат е неверојатно чувство. Силна тимска игра и огромна победа за нас“, напиша Обамејанг на Инстаграм.
Барселона собра 38 бодови, го прескокна Атлетико Мадрид во поредокот и се искачи на четвртото место. Мадридскиот клуб падна на петтото место со 36 бодови.