Движењето за социјална правда ,,Обединети работници”, како дел од работничката класа, целосно го поддржува штрајкот организиран од страна на вработените во “Железници – Транспорт”, а поради заостанатите и неисплатени плати на овие луѓе.
-Секој работник, независно дали е вработен во приватен или државен сектор, има право на ПЛАТА согласно завршените работни задачи кои произлегуваат од договорниот однос. Но, исто така, покрај правото на плата, работниците уживаат право и на НАВРЕМЕНА ИСПЛАТА НА ПЛАТАТА!Поради тоа што на овие работници континуирано им се јавува проблем со исплата на нивните чесно заработени плати, го повикуваме раководството на “Железници – Транспорт” веднаш да обезбеди средства за целосно исплаќање на сите заостанати плати, како и останати надоместоци согласно закон, велат од движењето.
Оттаму ја повикаа власта да престане со запоставување на проблемите во железничкиот сообраќај и да назначи квалитетни кадри кои што ќе донесат позитивни промени во работењето, наместо досегашните потпросечни партиски послушници кои што донесоа вистинска деструкција.
-ДСП ,,Обединети работници” стои целосно на располагање на работниците кои што се дел од штрајкот, со цел да им помогне во остварување на нивните загарантирани права, велат од движењето.