Со купувањето на Нејмар за 222 милиони евра летото 2017 година, францускиот гигант ПСЖ целосно го промени фудбалскиот пазар и ги зголеми цените на другите играчи на скандалозни височини, но ниту тоа не им помогна да ја освојат Лигата на шампионите.
Бизнисот на ПСЖ е сомнителен за многумина, а неодамна Баерн отворено изрази сомневање за нивната финансиска измама при трансфер на играчи, бидејќи Парижаните не заработуваат многу од продажбата на играчи, а трошат пет пати повеќе за нови.
Чекор понатаму отиде каталонскиот весник „Ел Мундо“ кој објави доверлив документ за Нејмар.
Имено, тие го објавија договорот што Нејмар го потпишал со Парижаните, во кој е прецизирано колку пари клубот ќе издвои за плата на големиот Бразилец, покрај споменатата компензација.
Договорено е ПСЖ да му плати на Нејмар 43.334.400 евра за пет сезони (без бонуси), додека во шестата сезона ќе добие рекордни 50.556.117 евра во клубот. Севкупно, ПСЖ инвестираше речиси половина милијарда евра само во Нејмар!
Во меѓувреме, бразилскиот напаѓач потпиша нов договор до 2025 година, кој не се разликува многу од оној од 2017 година.