Акцијата била насочена против санкционираната руска таканаречена „флота во сенка“, а француската морнарица денеска објави и видео-снимка од интервенцијата.
Од француските поморски власти за Средоземјето соопштија дека постои сомневање оти бродот, со име „Гринч“, пловел под лажно знаме. Специјалните единици на француската морнарица се искачиле на танкерот, по што бродот бил спроведен до пристаниште за дополнителни проверки.
❗️🇫🇷France, with the support of the 🇬🇧United Kingdom, has detained the oil tanker Grinch.
It departed from the port of 🇷🇺Murmansk on January 5. It is on the sanctions lists of Ukraine, the USA, the EU, Switzerland, the United Kingdom, and Canada. It mainly transports oil to… pic.twitter.com/PI80dCZkvQ
— 🪖MilitaryNewsUA🇺🇦 (@front_ukrainian) January 22, 2026
Приходите од нафта клучни за руската економија
Приходите од извоз на нафта претставуваат значаен дел од руската економија и ѝ овозможуваат на Москва да финансира воени активности, вклучително и војната против Украина, без поголеми економски потреси во земјата.
Акција против „флотата во сенка“
Франција, заедно со други западни земји, најави засилени активности за сузбивање на „флотата во сенка“ мрежа на нафтени танкери што ги заобиколуваат меѓународните санкции. Според проценките на експертите, оваа флота брои повеќе од 400 бродови. Земјите вклучени во операциите настојуваат и да постигнат договори со државите под чии знамиња пловат овие бродови, со цел да се олесни нивното запирање и контрола.
Францускиот претседател Емануел Макрон порача дека Франција е решена да го поддржи меѓународното право и да обезбеди ефикасна примена на санкциите. „Активностите на „флотата во сенка“ придонесуваат за финансирање на агресорската војна против Украина“, напиша Макрон, објавувајќи фотографија од француски хеликоптер над танкерот.
Детали од операцијата
Според информации од француски воени извори, операцијата била спроведена во соработка со Обединетото Кралство, кое ги обезбедило и споделило разузнавачките податоци што овозможиле пресретнување на бродот. Изворите наведуваат дека танкерот пловел под лажно знаме на Коморските Острови, а екипажот бил составен од индиски државјани.
Бродот бил пресретнат во западниот дел на Средоземното Море, во близина на јужниот шпански крајбрежен град Алмерија.