Утрово е променливо облачно, а претпладне по одделни котлини ќе има појава на слаба магла, информираат од УХМР.
Попладне и во текот на ноќта ќе има локални врнежи од дожд, а на планините снег. Ќе дува слаб до умерен ветер од јужен правец. Минималната температура ќе се спушти до -3, а максималната ќе достигне 11 степени.
Во Скопје променливо облачно, претпладне со појава на слаба магла. Попладне и во текот на ноќта ќе има услови за повремен дожд.
Температурата ќе се искачи до 6-от степен.
Во среда по котлините ќе има појава на магла и ниска облачност. Од утре попладне до четврток ќе има повремени врнежи од дожд, а на планините од снег. Поради спуштање на постудена воздушна маса од север, во четврток во попладневните часови ќе започне да дува засилен северен ветер и врнежите ќе преминуваат во снег и на повисоките места. Во петок и за време на викендот ќе преовладува стабилно време со ниски утрински температури.