Канадската министерка за надворешни работи Мелани Џоли изјави за Би-Би-Си дека „многу сериозно ги сфаќа изјавите на американскиот претседател Доналд Трамп дека Канада ќе стане 51-та држава во неговата земја“.
„Ова веќе не е шега. Има причина зошто Канаѓаните, кога ќе излезат на хокеј натпревар, ја исвиркуваат американската химна… Навредени сме. Бесни сме”, изјави Џоли за „Newsnight“.
Нејзините коментари доаѓаат откако Трамп во вторникот воведе царина од 25 отсто за производите кои влегуваат во САД од Канада. Канадскиот премиер Џастин Трудо го нарече тоа „многу глупава работа“ и најави одмазднички царини.
Сепак, американскиот секретар за трговија Хауард Лутник рече дека Трамп „веројатно“ ќе објави договор за намалување на царините во среда.
Како одговор, Џоли изјави за Би-Би-Си дека „на крајот на денот, единствениот кој навистина ја донесува одлуката е претседателот Трамп“.
Таа рече дека ниту еден секретар на администрацијата на Трамп не контактирал со нивните канадски колеги во понеделникот или вторникот за царините.
Трамп најави царини од 25 отсто за Канада и Мексико на 4 февруари, но го одложи спроведувањето до 4 март. Канадскиот увоз на енергија се соочува со царина од 10 проценти.
Премиерот на Онтарио, Даг Форд, наметна дополнителна такса од 25 отсто за извозот на електрична енергија во три американски држави, а доколку царините ескалираат, тој рече дека ќе размисли за исклучување од канадаската електрична енергија на Мичиген, Њујорк и Минесота.
Трамп, исто така, воведе царина и за Кина во февруари, што се удвои во март. Кина одговори со сопствени царини.
Белата куќа рече кога ги наметна тарифите дека „презема храбри чекори за да ги повика (трите земји) одговорни за нивните ветувања дека ќе ја запрат илегалната имиграција и ќе го запрат протокот на токсичен фентанил и други дроги во нашата земја“.
Фентанил е поврзан со десетици илјади смртни случаи од предозирање во САД секоја година. Трудо рече дека неговата земја е одговорна за помалку од 1 процент од фентанилот што влегува во САД.