Манчестер Јунајтед ја правдаше својата одлука да се обложи на Ерик Тен Хаг како нов менаџер на клубот. Претходно денеска „црвените ѓаволи“ го најавија претстојното доаѓање на Холанѓанецот, кој на лето ќе започне со работа со договор на 3 + 1 година.
„За време на нашиот разговор со Ерик пред неговото назначување, бевме исклучително импресионирани од неговата долгорочна визија за тоа како да го врати Манчестер Јунајтед на нивото на кое сакаме да биде тимот. Бевме импресионирани од неговата енергија и одлучност да го постигне ова“, објасни фудбалскиот директор на клубот Џон Муртоу.
„Во претходните четири години во Ајакс, Ерик се покажа како еден од најинтересните и најуспешните тренери во Европа, познат по својот атрактивен и напаѓачки стил на игра, како и по посветеноста на работата со тинејџерите. Му посакуваме успех, бидејќи моментално е фокусиран на успешен крај на сезоната за неговиот Ајакс, по што со нетрпение очекуваме да го видиме во Манчестер Јунајтед на лето“, додаде првиот човек на клубот од Манчестер.