Од понеделник ќе има вакцинирање на вработените во приватниот сектор

Здравствените власти најавија дека на регионалниот пункт во Штип од наредната недела почнува вакцинирањето на вработените од приватниот сектор.

Над 1.700 вакцини дневно се аплицираат на овој пункт, редица има, а во неа се застанати лицата над 58 години со Мој термин и вработените од критичната инфраструктура од штипскиот и струмичкиот регион.

Компаниите веќе доставуваат барања и нивниот интерес е голем. Нема точна бројка колку од вработените сакаат да се вакцинираат, но од тој број ќе зависи и динамиката на имунизација.

Досега на овој пункт се имунизирани речиси 11.000 граѓани.