Познатиот белгиски фудбалер Кевин де Бруин неодамна преку соопштение за медиумите се прости од Манчестер Сити, но сега Белгијците објавија непознати детали кои никој не ги очекуваше.
Де Бруин по 10 години се прости од Манчестер Сити. Во изминатата деценија, тој беше главниот мотор зад освојувањето на сите трофеи и убедливо најдобриот играч што Манчестер Сити го имал, можеби во целата своја историја.
Во писмото објавено до навивачите, тој официјално се прости од клубот, но најугледниот белгиски весник „Де Стандард“ и неговиот новинар Барт Лага објавија ексклузивни детали за разделбата на двете страни.
Имено, Де Бруин бил изненаден и разочаран од потегот на Сити. И покрај тоа што има 33 години, Де Бруин очекуваше да остане во Манчестер Сити и мислеше дека ќе добие продолжување на договорот.
Дури и требаше да се случи, но според овој влијателен белгиски весник, зимскиот преоден рок на Манчестер Сити ги натера челниците да се предомислат.
Имено, бидејќи Манчестер Сити потроши сериозни пари за доведување на четири големи засилувања во текот на зимата, финансиските можности на клубот се намалија и „Етихад“ решија да не и понудат нов договор на својата најголема легенда. Поточно, Сити ги имаше потребните пари, но не можеше да ги „вклопи“ во финансискиот фер-плеј.
Фудбалерот од средниот ред наскоро ќе ги разгледа своите опции за во иднина, но она што го најавуваат Белгијците е дека тој не сака да замине во Саудиска Арабија или надвор од Европа и верува дека сепак може да игра на највисоко ниво.
Де Бруин е уверен дека до почетокот на летото ќе добие соодветна понуда од некој од силните европски клубови, а бидејќи моментално е здрав и во многу добра форма, не треба да нè чуди ако направи трансфер од многу висок профил.