На состанокот на израелскиот безбедносен кабинет што го свика премиерот Бенјамин Нетанјаху во средата, беше договорено Израел силно да одговори на иранскиот ракетен напад во вторник, јавуваат израелските медиуми.
Сликата споделена од кабинетот на израелскиот премиер покажува средба на Нетанјаху со директорот на Шин Бет Ронен Бара, директорот на Мосад Дејвид Барни, началникот на израелскиот Генералштаб, генерал-мајор Херзи Халеви и министерот за одбрана Јоав Галант.
Одговорот на Израел на иранскиот ракетен напад ќе има за цел да нанесе „значителна финансиска штета“, објави „Тајмс оф Израел“, цитирајќи израелски извор.
Атмосферата е дека одговорот „мора да биде значаен и мора да се случи наскоро“, вели изворот.
Американскиот претседател Џо Бајден претходно денеска изјави дека не поддржува напади врз иранските нуклеарни постројки.
„Ќе разговараме со Израелците за тоа што ќе направат, но сите седуммина (земјите од Г7) се согласуваме дека [Израелците] имаат право да одговорат, но одговор што треба да биде пропорционален“, рече Бајден.