Студија од Универзитетскиот колеџ во Лондон покажа дека 96,42 луѓе развиле антитела 28 до 34 дена по првата доза, а тој процент се зголемил на 99,08 проценти во рок од седум до 14 дена од втората доза, пренесува Гардијан.
Истражувачите посочија дека ова е одлична вест и вистински научен подвиг, додавајќи дека вакцините работат исклучително, особено имајќи ја предвид брзината со која се развиени. Просечната возраст на учесниците во истражувањето е 65 години, односно истражувањето е спроведено кај постара популација, што е прва вакцинирана.
Студијата покажа дека нивото на антитела првично пораснало кај луѓето кои примиле вакцина Фајзер отколку кај оние кои биле вакцинирани со АстраЗенек, но по четири недели и двајцата имале скоро исто ниво на антитела.Исто така, по првата доза на вакцината, нивото на антитела беше пониско кај постарите луѓе. Меѓутоа, кога ја примиле втората доза, луѓето од сите возрасти имале еднообразно ниво на антитела.
Нивото на антитела беше исто така пониско кај луѓето со одредени болести како што се рак, дијабетес и срцеви заболувања. Таа разлика исчезна кога сите учесници во студијата добија втора доза, се вели во студијата.