Одреден му е притвор: Ресенчанец упатил лажни дојави за бомби во Охрид

Жител на Ресен доби кривична пријава затоа што во повеќе наврати излажал за поставени бомби на повеќе локации во Охрид.

-Поради постоење основи на сомнение за сторени кривични дела „загрозување на сигурноста“ и „лажно пријавување на кривично дело“, СВР Охрид поднесе кривична пријава против З.И.(46) од селото Горно Крушје, ресенско.Пријавениот, во два наврата во текот на јули, преку мобилен телефон, испратил повеќе смс-пораки со лажна дојава дека биле поставени експлозивни средства на повеќе локации во Охрид. На З.И. од надлежен судија му е одредена мерка притвор, соопштија од ОЈО.