Поради одрони од поголеми карпи на регионалниот пат Демир Хисар – Кичево во близина на рибникот Белица, од утрово во 06:15 часот сообраќајот на овој патен правец се одвива само на една коловозна лента.
На останатите државни патишта сообраќајот се одвива непречено по влажни коловози, со умерен интензитет на патните правци надвор од градските средини.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.