Привремениот менаџер на Манчестер Јунајтед, Ралф Рангник е назначен за нов селектор на Австрија, соопштија од Федерацијата.
Германскиот стручњак на австриската клупа ќе го замени Франк Фода, кој ја напушти таа позиција по поразот од Велс (2:1) во баражот за Светското првенство. Рангник (63) две години ќе ја води австриската репрезентација со можност за продолжување на соработката.
Тој до крајот на сезоната ќе биде менаџер на Јунајтед, а на клупата ќе го замени холандскиот стручњак Ерик тен Хаг.
Рангник е третиот странец на кормилото на австриската репрезентација, по Германецот Франк Фод и Швајцарецот Марсел Колер.
Serwas Ralf #Rangnick! 😁👋🏻
Serwas beim ÖFB! 🦅🇦🇹#GemeinsamÖsterreich #NewBoss #DasNationalteam
__________
ℹ️ Alle Infos: https://t.co/rBvZhoD9a1 pic.twitter.com/RP5B2QP7Og— ÖFB – oefb.at (@oefb1904) April 29, 2022
Спортскиот директор на Фудбалската федерација на Австрија, Петер Сетел, истакна дека сака Австриецот повторно да биде селектор, но дека се отворила можноста да го доведе Рангник, па одлуката паднала во негова корист.
„Носиме врвен тренер со респектабилна меѓународна репутација“, изјави Сетел.
Првиот натпревар Австрија ќе го одигра на 3 јуни во А дивизијата од Лигата на нации на гости против репрезентацијата на Хрватска.