232
Секторот за внатрешни работи Скопје ќе поднесе кривична пријава против Н.Ш. (31) од Скопје поради постоење основи на сомнение дека извршил едно кривично дело „тешка кражба“.
Минатиот вторник во периодот од 15.30 до 16.45 часот на паркинг простор на бул. „АСНОМ“ во Скопје со употреба на сила од патничко возило „Фолксваген Голф“ со скопски регистарски ознаки, сопственост на Ј.М., одзел торба со лични предмети и спортска опрема, по што побегнал.
По преземени мерки, на 03.07.2019 Н.Ш. бил пронајден и лишен од слобода. Во разговор со полициски службеници тој го признал делото.