Алисон Бекер (32), незаменливиот голман на Ливерпул и на бразилската репрезентација, ја повреди тетивата потешко отколку што се мислеше по првиот преглед. Имено, подеталните тестови покажаа дека повредата е таква што Алисон ќе отсуствува околу шест недели. Поточно, тој се враќа во втората половина на следниот месец, по паузата за репрезентативните натпревари во ноември.
Тоа е огромен удар за Ливерпул бидејќи тие се соочуваат со неверојатно тешка серија на натпревари во тој период. Тие играат седум натпревари, но сите против силни противници. Без голманот кој го чуваше својот гол 271 натпревар, во првенството ќе треба да се соочат со Челси, Арсенал, Брајтон и Астон Вила, потоа Лајпциг и Баер Леверкузен во Лигата на шампионите и Брајтон во Лига купот.
Бекер се повреди пред четири дена, кон крајот на натпреварот против Кристал Палас. Тој беше заменет со Витеслав Јарош (23), чешки голман кој го имаше својот прв настап за Ливерпул. Сега го чека серија во која ќе биде ставен на тест.