ByteDance, кој е сопственик на TikTok, минатата година ги зголеми приходите од апликацијата за 60 отсто, според извештајот што го сподели „Блумберг“.
Според тоа, заработката порасна на 40 милијарди долари. Инаку, таа бројка беше 25 милијарди долари во 2022 година.
TikTok им нуди на креаторите на содржини можност да заработат преку програмите TikTok Creativity и TikTok Rewards, како и подароците што ги добиваат од гледачите за време на преносите во живо, а TikTok добива дел од приходите генерирани од тој метод.
Оваа заработка е исто така под влијание на TikTok Shop што TikTok ја лансираше во Соединетите Американски Држави (САД) и земјите од Југоисточна Азија. TikTok Shop им овозможува на продавачите да ги водат своите е-продавници преку платформата за социјални медиуми. TikTok добива провизија од продажбата направена таму.
Соединетите држави и TikTok не беа во добри односи во последните неколку месеци, а платформата се соочува со забрани таму.