Огромното мнозинство од работоспособното население во Германија се самофинансира, објави во вторникот Федералниот завод за статистика.
„76 отсто од граѓаните на возраст од 25 до 64 години, што е околу 34,5 милиони луѓе, трошоците за живот ги покриваат со сопствен труд“, се вели во соопштението на Сојузниот завод за статистика во Визбаден.
Уште осум проценти живеат од поддршката на своите партнери, а шест проценти од населението живее од поддршка за невработени.
Секој стоти жител на Германија живее од приходот од сопствен имот или од издавање сопствен недвижен имот.
Како што е соопштено, разликите во финансирањето на трошоците за живот се забележливи ако се земе предвид полот.
„83 отсто од мажите на возраст меѓу 25 и 64 години сами се грижат за животните трошоци, а тоа е случај со 69 отсто од жените“, се вели во соопштението на Заводот за статистика.
Разликите се забележливи и кога се споредуваат жителите со мигрантско потекло и мештаните. 67 отсто од мигрантите се финансираaт од сопствена работа, додека учеството е поголемо кај мештаните со 80 отсто.
„Оваа разлика е уште поголема ако се спореди женскиот дел од мигрантската и домородната популација, каде што жените мигранти во 55 отсто од случаите сами ги покриваат трошоците за живот, додека кај жените без мигрантски корени, оваа пропорција е за 74 отсто поголема. “, се заклучува во соопштението.