Тимот на Леброн Џејмс го победи тимот на Кевин Дурент со 163:160 во НБА Ол-стар натпреварот одигран во Кливленд. Ова е петта победа на Леброн на Ол-стар натпревар откако игра во новиот драфт формат. Се уште нема запишано пораз.
Бекот на Голден Стејт Вориорс, Стеф Кари, најмногу се истакна во традиционалната ревијална игра во која одбраната не се игра со посебен интерес. За тимот на Леброн постигна 16 тројки и натпреварот го заврши со 50 поени. Кари, секако, го собори рекордот на Ол-стар натпреварот кога ја постигна својата 13-та тројка.
Покрај Кари, кој патем стана МВП на Ол-старот, одличен беше и Јанис Антетокунмпо, кој не постигна ниту една тројка, но натпреварот го заврши со 30 поени. Капитенот Леброн Џејмс постигна 24 поени, додаде осум асистенции и постигна клучен удар од аголот на самиот крај од натпреварот за да обезбеди победа на неговиот тим.