Цената на медалите што ќе им бидат доделени на прво и второпласираните спортисти на Олимписките игри во Париз е зголемена во однос на Олимписките игри во Токио 2020 година. Вредноста на златната награда е близу 1.000 долари, пренесува данската компанија „Саксо груп“ , повикувајќи се на сопствени пресметки.
Најзначајно зголемување на вредноста е забележано кај златните медали: од 763 долари во Токио на 935 долари во Париз. Сребрените медали достигнаа 473 долари од 415 долари, а бронзените медали вредат 3,9 долари, во споредба со 4,1 долари на Игрите во јапонскиот главен град пред три години.
„Саксо груп“ објасни дека зголемувањето на цената на златните и сребрените медали е поврзано со зголемената побарувачка за метали, која е „забележана поради глобалната транзиција кон зелена енергија“.