Продолжува „аферата Дани Олмо“, односно надреалната ситуација во која Ла Лига го избриша фудбалерот на Барселона од списокот на пријавени играчи.
Како што се приближува разделбата на Барселона и Дани Олмо, така расте неверувањето кај целиот фудбалски свет. Како е воопшто можно да се случи ваква ситуација во професионалниот фудбал, Ла Лига буквално да ве избрише од списокот на пријавени играчи.
Сепак, прописите се јасни и Олмо нема да може повторно да игра за Барселона до крајот на сезоната. Освен во случај на пресврт, некое чудо. А тоа сега е во јурисдикција на Шпанската фудбалска федерација (РФЕФ).
Единствената преостаната, донекаде реална надеж за Барселона да ја продолжи регистрацијата на Олмо (која привремено важеше до 31 декември минатата година) е новиот рок. А тоа е 3 јануари, односно петок. Дотогаш, имено, Барселона треба да добие исплата од 100 милиони евра од продажбата на ВИП ложите на нејзиниот редизајниран стадион, што може да биде соодветна финансиска гаранција.
Доколку нема промена, Олмо пред се ќе има значителна финансиска корист бидејќи Барселона би морала да му го исплати целиот договор, а во исто време играчот би станал слободен и би можел да потпише за секого. Сепак, животен сон на Олмо беше да игра за Барселона и сигурно последното нешто што му паѓаше на памет беше да го напушти тој клуб. Како што се развиваат работите, тој ќе мора да си оди.
Шпански AS пренесува дека Олмо бил во неверување, депресивен и безволно се однесувал на тренингот во средата. Разбирливо.
Наводно најмногу го тешеле соиграчите Рафиња, Гави и Педри, а тој разговарал и со тренерот Ханси Флик кој се обидел да го убеди дека клубот прави се за да го задржи.
Но, судбината на шпанскиот репрезентативец и поранешен играч на Динамо и Р.Б. Салцбург не ја решаваат неговите соиграчи, ниту пак Флик…