Шефот на ОН за човекови права, Волкер Туерк денеска повика на итна деескалација на непријателствата меѓу Русија и Украина.
Смртоносни напади денеска погодија станбени згради во Украина и во пограничниот регион на Русија, додека брановите воздушни напади, исто така, повредија десетици и го поттикна Киев да го повика Западот да ја забрза испораката на оружје.
„Ескалацијата на непријателствата е алармантна, со десетици убиени цивили во Украина и Русија. Меѓународното хуманитарно право забранува неселективни напади и напади врз цивилни објекти“, соопшти канцеларијата за човекови права на ОН на социјалната мрежа Х, поранешен Твитер.
„Волкер Туерк повикува на итни мерки за деескалација, заштита на цивилите и почитување на меѓународното право“, се наведува во него.
Бомбардирањето, главно во Киев и североисточно од Харков, дојде помалку од 24 часа откако рускиот претседател Владимир Путин вети дека ќе ги засили нападите по невидениот напад на Украина врз рускиот град Белгород.
Нападите во вторникот уследија по ескалацијата на војната во последните денови, при што Русија во петокот започна бран напади врз украинските градови, вклучително и Киев, во кои загинаа 39 луѓе.