ОН: Руските напади со беспилотни летала врз цивили во Украина претставуваат воени злосторства

Комисијата за човекови права на Обединетите нации заклучи дека нападите со беспилотни летала извршени од руските сили врз цивили во југоисточна Украина претставуваат злосторства против човештвото и воени злосторства.

Во извештај објавен оваа недела, комисијата изјави дека руските сили, „под централизирана команда“, систематски користеле беспилотни летала за „намерно таргетирање цивили и цивилни објекти, предизвикувајќи штета и уништување“, објави Гардијан.

Извештајот, составен од независната меѓународна комисија на ОН за истрага на Украина, се фокусира на три украински региони, Херсон, Николаев и Днепар, кои се блиску до линијата на фронтот и каде што нападите со беспилотни летала станаа почести во изминатата година.