Барселона најде играч околу кој ќе ја гради иднината. За жал, тој сега настапува за Борусија Дортмунд, па потребно е прво да го доведе. Ерлинг Браут Халанд затоа реши да му постави услов на гигантот.
Барселона започна преговори со агентот Мина Рајола, чиј клиент е норвешкиот напаѓач.
Како што открива каталонскиот „Спорт“, опкружувањето на Халанд ја уверува Барселона дека парите не играат пресудна улога во изборот на нов клуб, туку дека Норвежанецот ќе го избере најдобриот проект.
Барселона сака да го направи Норвежанецот нова голема ѕвезда на клубот, а Чави наводно веќе го гледа како играч околу кој ќе формира тим.
Условот на Халанд е Барселона да избори пласман во Лигата на шампионите за тој да дојде во клубот. Воопшто нема да биде лесна задача, бидејќи Барселона моментално е осмо на табелата и има пет бода помалку од Атлетико Мадрид, кој ја зазема четвртата позиција, последна која води во Лигата на шампионите.
Барселона тврди дека има пари да го доведе Халанд и покрај огромната финансиска криза во која се наоѓа клубот. Целата операција (оштета за Борусија, плата и провизија за агентот) се очекува да чини повеќе од 200 милиони евра, а Каталонците најдоа инвестициски фондови кои се подготвени да го спонзорираат овој трансфер.