Oppo ја претстави новата серија паметни телефони Reno2 во Индија, која вклучува три модели –
Reno2, Reno2 Z и Reno2 F. Тие споделуваат неколку карактеристики, вклучувајќи четири главни
камери (во различни конфигурации), 6,5-инчен AMOLED екран и вграден оптички скенер за
отпечатоци. 16MP селфи-камерите се мобилни, а батериите од 4000mAh поддржуваат технологијата
за брзо полнење VOOC 3.0 (20W). Во однос на софтверот, гледаме Android 9 Pie со ColorOS 6.1, а
достапни се и 3,5 мм приклучоци за слушалки.
Главната камера на Reno2 вклучува сензор од 48MP Sony IMX586 со f / 1.7 бленда и оптичка
стабилизација на слика (OIS), со додавање на опција за снимање видео наречена Ultra Steady Video.
Вториот сензор е 8MP со ултраширокоаголен објектив, со видно поле од 116 степени, третиот е
13MP со телефото леќа (f / 2.4) за 5-кратен хибриден зум, а четвртиот е 2MP монохроматски за
портрети.
Механизмот во кој е поставена предната камера повторно е вткаена во форма на перка од ајкула
(Shark Fin). Другите опции за модели вклучуваат чипсет Snapdragon 730G, 8 GB RAM и 256 GB
меморија за датотеки. Ќе биде достапен во Индија од 20 септември по цена од 37.000 рупии (465
евра).